يعتى ايه اكتئاب!
يعنى ميكونش لك نفس تعمل أى حاجة؟ يعنى تصبح الصبح تقول ياه حأقوم أعمل ايه يعنى! ياعم خلينى نايم أحسن وياريت النوم ييجى الا ان كله كوابيس حتى لو جه! يعنى تحضر فطار وما تاكلش من ولا لقمة؟ أو تعمل شاى وتسيبه يبرد ولا تشربهوش! يعنى ترمى الجرنال بعد ماتقرا البخت وتسيب كل العناوين؟ يعنى تفتح البلكونة أو الشباك وتقعد ساعة مبحلق فى الفراغ؟ يعنى التليفون يرن وتشوف اسم الطالب وماتردش مش لأنك بتهرب منه ولكن لأنك مش عاوز تكلم حد؟ يعنى تلبس هدومك وتحط سماعات الآى بود فى ودانك وتروح النادى تفضل تلف فى التراك وترجع من غير ما حتى تشغل الجهاز ولا تسمع ولا أغنية؟ يعنى تكتشف انك ما سرحتش شعرك أو ما حلقتش دقنك من أيام ولا حتى بصيت فى المراية! يعنى تلبس نفس الهدوم لأيام وبعد ما تتغسل ترجع تانى تلبسها؟ يعنى تلف البيت من غرفة للتانية من غير ما تحس بتعمل ايه ولا انت عاوز ايه؟ يعنى نهارك يبقى ليلك وساعات نومك تقل وييجى عليك أيام ما تدوقش طعم النوم ! يعنى تقعدد تلعب سوليتير أو أى لعبة على الكمبيوترمن غير ما تكسب ولا جيم واحد !!! يعنى تفتح الأدراج وتقفلها من غير ما تاخد حاجة أو حتى تدور على حاجة! يعنى تضبط نفسك بتردد بيت شعر أو أغنية معينة وترددها بصوت عال جملة واحدة بتتكرر زى الأسطوانة المشروخة! يعنى تعصر عنييك وما تنزلش ولا نقطة دموع!
أذا كان هو ده الإكتئاب؟؟ يبقى أنا عندى اكتئاب!!!
يعنى ميكونش لك نفس تعمل أى حاجة؟ يعنى تصبح الصبح تقول ياه حأقوم أعمل ايه يعنى! ياعم خلينى نايم أحسن وياريت النوم ييجى الا ان كله كوابيس حتى لو جه! يعنى تحضر فطار وما تاكلش من ولا لقمة؟ أو تعمل شاى وتسيبه يبرد ولا تشربهوش! يعنى ترمى الجرنال بعد ماتقرا البخت وتسيب كل العناوين؟ يعنى تفتح البلكونة أو الشباك وتقعد ساعة مبحلق فى الفراغ؟ يعنى التليفون يرن وتشوف اسم الطالب وماتردش مش لأنك بتهرب منه ولكن لأنك مش عاوز تكلم حد؟ يعنى تلبس هدومك وتحط سماعات الآى بود فى ودانك وتروح النادى تفضل تلف فى التراك وترجع من غير ما حتى تشغل الجهاز ولا تسمع ولا أغنية؟ يعنى تكتشف انك ما سرحتش شعرك أو ما حلقتش دقنك من أيام ولا حتى بصيت فى المراية! يعنى تلبس نفس الهدوم لأيام وبعد ما تتغسل ترجع تانى تلبسها؟ يعنى تلف البيت من غرفة للتانية من غير ما تحس بتعمل ايه ولا انت عاوز ايه؟ يعنى نهارك يبقى ليلك وساعات نومك تقل وييجى عليك أيام ما تدوقش طعم النوم ! يعنى تقعدد تلعب سوليتير أو أى لعبة على الكمبيوترمن غير ما تكسب ولا جيم واحد !!! يعنى تفتح الأدراج وتقفلها من غير ما تاخد حاجة أو حتى تدور على حاجة! يعنى تضبط نفسك بتردد بيت شعر أو أغنية معينة وترددها بصوت عال جملة واحدة بتتكرر زى الأسطوانة المشروخة! يعنى تعصر عنييك وما تنزلش ولا نقطة دموع!
أذا كان هو ده الإكتئاب؟؟ يبقى أنا عندى اكتئاب!!!
ليست هناك تعليقات:
إرسال تعليق